Tơ̆ jơ pơm lêh, tang măt ăn Khul kơdră teh đak Lào, ƀok Lếc-lảy Sỉ-vị-lay - Kơdră jang lơ̆m Trung ương Đảng, Bí thư, Kơdră chĕp pơgơ̆r dêh char Sê Kông hlôi pôk ăn Mê đai bơ̆ jang dơ̆ng mă Blŭng vă hôn bơnê dôm tơdrong tơgop kơtang đơ̆ng dêh char Dak Lăk lơ̆m tơdrong hơmet pơ ‘lơ̆ng tơgoăt tơgoăl dih băl gĭt kăl ƀar păh ƀar teh đak. Jơ ‘năr ou, Hơnih bơ̆ jang vei lăng kon pơlei dêh char Dak Lăk hăm Khul kơdră chĕp pơgơ̆r dêh char Sê Kông hlôi kĭ pơkăp Hla bơar Ƀlŏk hơdơ̆r jang hơdoi jăl jang 2025 - 2030. Bí thư Đảng dêh char Dak Lăk Nguyễn Đình Trung pơma tơbăt jơhngơ̆m đon hôn bơnê, bơnê kơ Khul kơdră teh đak păng kon pơlei Lào, adoi pơma pơkăp hơnơ̆ng hơmet pơ ‘lơ̆ng, atŏk tơ iung jang hơdoi iŏk đei jơnei kơjăp ‘lơ̆ng. Kơdră chĕp pơgơ̆r dêh char jei athei rim hơnih bơ̆ jang đei ƀơm truh tơlĕch jang kiơ̆ ‘lơ̆ng rim tơdrong jang hơdoi, atŏk kơtang tơƀơ̆p pơma dơnuh dih băl kơ kon pơlei păng atŏk kơtang hơnăp jang ‘lơ̆ng kơ rim hơnih bơ̆ jang, hơnih mơdro sa ƀar păh.