Đe Kơdră kơpal dêh char Đăk Lăk plang hlôt nhang, pơkao pơjôk pơsat linh lôch tang tơ̆ dêh char
Thứ bảy, 06:00, 27/04/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Tơbăt 49 sơnăm Năr đei Jơnei tơring pơbah, rơngei teh đak (30/4/1975 - 30/4/2024) păng tơbăt 70 sơnăm Năr đei Jơnei Điện Biên Phủ (7/5/1954 - 7/5-/2024), pơgê ‘năr brei (26/4), kơdră Tĭnh uy, Hô̆i đŏng kon pơlei, Anih jang vei lăng kon pơlei dêh char, Anih jang MTTQ Việt Nam dêh char Đăk Lăk, dôm khul linh tơ̆ dêh char truh ‘măn kơvang pơkao, plang hlôt nhang pơjôk Pơsat đe linh lôch tang dêh char.
Lơ̆m tơdrong grasia kŭp yom, rim bơngai tang măt hlôi ‘măn kơvang pơkao, plang hlôt nhang kŭp yom ƀlŏk hơdơ̆r, pôk bơnê kăp gĭt hăm tơdrong plang tih tên đơ̆ng đe linh lôch tang nuih mơng kơyuơ tơdrong tơblah pơrơngei hơdrung hơdrĕch teh đak.
Đơ̆ng rŏng kơ plang hlôt nhang, plang pơkao, đe kơdră dêh char Đăk Lăk atŭm hăm khul linh păng lơ kon pơlei hlôi truh plang hlôt nhang tơ̆ dôm pơsat đe linh lôch tang. Ƀok Nguyễn Quang Thuân, Phŏ Kơdră Anih Asong jang, Linh jĭ rơka păng Tơpôl dêh char Đăk Lăk ăn tơbăt, tơdrong năm pơjôk pơsat đe linh lôch tang lơ̆m dôm năr lêh tih jing tơdrong juăt jue ‘lơ̆ng rŏ, tơbang đon bơnôh nhă đak chăm kơ tu đơ̆ng jơnŭm pơgơ̆r tơring păng kon pơlei lơ̆m jơ̆p dêh char.
Viết bình luận