Tơ̆ jơ sơng, ƀar păh drơ̆ng mĭnh nơ̆r akhan tơgoăt tơgoăl ƀar Đảng, teh đak lơ̆m khei năr au ki hlôi yak mơ̆t lơ̆m atŏk tơ iung ‘lơ̆ng hơ iă, mă kăl ‘noh đơ̆ng rŏng ‘măng năm tơmang dih băl kơ ƀar ‘nu kơdră Tổng Bí thư.

Thủ tướng Phạm Minh Chính sơkơ̆t hơdăh, Đảng, Teh đak Việt Nam ling lang lăng atŏk tơ iung tơgoăt tơgoăl hăm Trung Quốc ‘noh jĭ tơdrong rơ̆ih kăl hloh lơ̆m trong bơ̆ jang tơbôl kơ Việt Nam. Thủ tướng athei lơ̆m khei năr kơnh, ƀar păh hơnơ̆ng atŏk kơtang ăn khul kơdră kơpal păng rim kơdră chă tơƀơ̆p dih băl, pơtrŭt kơtang tơƀơ̆p dih băl, jang hơdoi; atŏk kơtang tơgoăt tơgoăl gĭt kăl, pơjing hơyak pran ‘nao ăn jang hơdoi ƀar teh đak. Kơ iĕng Kơdră chĕp pơgơ̆r Kuô̆k hô̆i Trung Quốc Trương Khánh Vĩ sơkơ̆t hơdăh, Trung Quốc lăng kơjăp atŏk tơ iung tơgoăt tơgoăl hăm Việt Nam, ling lang lăng ‘nau jĭ trong tơlĕch jang blŭng hloh lơ̆m trong jang tơbôl teh đak tơjê̆ kơ Trung Quốc pơtrŭt kơtang tơgoăt tơgoăl Jang hơdoi gĭt kăl tôm tong, Tơpôl vang tơbăt dih băl hơnô̆ hơnăp Việt Nam - Trung Quốc jĭ tôch gĭt kăl hơnơ̆ng atŏk tơ iung kơtang lang să, tơpă hloh dơ̆ng lơ̆m khei năr kơnh.