Tơ̆ hop akŏm âu, Quốc hội vă pôk rơih Kơdră teh đak, Kơdră Quốc hội; hơlen năng, pơdrơ̆ng nơ̆r ăn 10 khôi luơ̆t; tơgop nơ̆r ăn 11 luơ̆t nai; kŭm nhen tơchơ̆t dôm tơdrong găh mŭk drăm, tơpôl, jên thu mong, tơlĕch jang, bơ̆ jang dăr lăng păng dôm tơdrong gĭt kăl nai hai. Hop akŏm ‘măng mă âu đei bơngai tăh hla, kon pơlei tôch tơrek, hơmĕng Quốc hội drơ̆ng nơ̆r ăn tơdrong Tơchơ̆t asong ăn Luơ̆t teh đei yoa đơ̆ng ‘năr 1/7/2024. 

Đei pơgơ̆r ƀât mă mŭk drăm lơ̆m teh đak oei dơ̆ng tơ̆ hơnăp lơ tơdrong nol, bơngai tăh hla păng kon pơlei hơmĕng, dôm bơngai tang măt Quốc hội hơtŏk đon jang tơnăp, gơ̆h hơgei, vang pơma nuh, tơlĕch trong jang vă chă đei trong jang ‘lơ̆ng hlŏh, hơmet pơ ‘lơ̆ng pơmat tat ăn mŭk drăm, bơ̆ jang đei dôm tơdrong pơhnŏng jang găh mŭk drăm, tơpôl đei Quốc hội tơlĕch lơ̆m sơnăm 2024, pơjing đei jơhngâm pran vă gơ̆h jang đang dôm tơdrong jang tơm đei tơlĕch đơ̆ng 2021 -2025.