Tơ̆ dêh char Gia Lai, Khŭl joăt joe Trường Sơn - Trong Hồ Chí Minh đei hloh 600 ‘nu jang lơ̆m khŭl ‘noh jĭ dôm kang ƀô̆, khŭl lĭnh, hơdruh tơdăm sŭng phŏng, kon pơlei jang tơgŭm sơ̆ vang jang pơih trong Trường Sơn.

Tơ̆ lêh tơbăt, dôm bơngai tang măt hlôi pơđou dơ̆ng dôm khei sơnăm nuih mơng “Hleh pơm trong Trường Sơn năm dŏng teh đak”, tơgop gĭt kăl kŭm hăm lĭnh, kon pơlei  lơ̆m teh đak rơngei tơring Pơbăh, jơnei teh đak lơ̆m pơyan puih mak sơnăm 1975. Hrei ‘nâu trong Hồ Chí Minh năm klĕch hloh 28 dêh char pơlei tơm đơ̆ng tơring găh tu mơ̆t tơ̆ tơring Pơbăh, jĭ trong tơm gĭt kăl pơyua ăn hơtŏk tơiung mŭk drăm - tơpôl, sơđơ̆ng teh đak.