Dêh char Gia Lai (tơmơ̆t hơdai đơ̆ng dêh char Gia Lai păng dêh char Bình Định), teh să hloh 21.500km2, kơsô̆ kon pơlei vă jê̆ 3,6 triệu ‘nu.

Đơ̆ng rŏng kơ proh hơmet, dêh char Gia Lai đei 135 anih bơ̆jang tơ̆ xăh, ‘noh đei 110 xăh păng 25 phường. Lơ̆m noh đei 9 xăh ưh kơ đei proh hơmet ‘noh Ia O, Nhơn Châu, Ia Púch, Ia Mơ, Ia Pnôn, Ia Nan, Ia Dom, Ia Chia păng Krong. 

Thủ tướng Teh đak rơih ƀok Phạm Anh Tuấn, (hơdrol ki ‘noh pơm Kơdră Anih vei lăng kon pơlei dêh char Bình Định so) pơm Kơdră Anih vei lăng kon pơlei dêh char Gia Lai (‘nao) jăl jang 2021 - 2026.

Dôm Phŏ Kơdră Anih vei lăng kon pơlei dêh char Gia Lai (‘nao) đei 7 ‘nu, ‘noh: ƀok Nguyễn Tuấn Thanh, ƀok Nguyễn Tuấn Anh, ƀok Nguyễn Tự Công Hoàng, ƀok Lâm Hải Giang, yă Nguyễn Thị Thanh Lịch, ƀok Dương Mah Tiệp, păng ƀok Nguyễn Hữu Quế.