
Đơ̆ng ‘năr 1/7, pơđĭ 135 hơnih bơ̆jang teh đak tơ̆ xăh, phường lơ̆m dêh char Gia Lai (‘nao) pơtơm tơmơ̆t lơ̆m bơ̆jang. ‘Nâu jĭ hơyak tơlĕch jang hrơ̆ch tơdrong jang khŭl kơdră chĕp kơ̆l tơring 2 tăl, yak truh hơmet ming bơ̆jang pơvih ăn kon pơlei hơgei, đei yua. Dôm anih jang kơ dêh char Gia Lai hlôi ăn kang ƀô̆ joăt jang năm tơgŭm pơm hla ar teh tơ̆ rim xăh, phường đơ̆ng ‘năr 2/7 truh 30/8.

Kang ƀô̆ gô kơtă bơ̆jang tơ̆ hơnih jang vă pơtho bơngai jang păng kon pơlei pơm hla ar ƀlep tơdrong, hơdai hăm tơblang hơdah trong jang khôi luơ̆t ‘nao. Dêh char kŭm iŏk yua kơmăy kơmŏk vă dăr hơlen pơđĭ tơdrong jang tơ̆ tơring. Hơdrol ‘noh, đơ̆ng ‘năr 20 truh 25/6, pơđĭ 135 hơnih jang hlôi ăn bơ̆jang pơlong lăng. Pơtôch pơlong lăng ăn ƀôh tơdrong bơ̆jang đei sơđơ̆ng ‘lơ̆ng, hơmet pơ ‘lơ̆ng hơ krĕng hla ar hô sơ mă ưh kơ đei ƀôh tơhlăk dăh mă hiơ̆ hyĭn kiơ.
Viết bình luận