Tổng Bí thư pôk pơ ư jơnei hơtŏk tơiung đơ̆ng 2 tơring, đang kơ ‘noh tơƀôh rơđăh tơdrong jang hơdai đơ̆ng Kiên Giang păng An Giang tam mă hơtŏk đei yua, mă đơ̆ng oei tơtil băl lơ̆m tơring tơm Tây Nam Bộ. Tổng Bí thư athei tơmơ̆t hơdai 2 dêh char vă pơjing 1 tơring hơtŏk tơiung ‘nao đei mŭk drăm tih, tơmam bri brăh lơ păng kĕ jang hơdai tơring đei yua hloh.

Tơdrong tơmơ̆t hơdai âu kŭm pơm tơdrong hiôk hơmet ming dơ̆ng anih jang kăl, pơjing kơjă kăp gĭt jang hơdai đơ̆ng pơm tơlĕch truh tĕch tơ̆ teh đak đe, sơng đei tơmơ̆t jên jang gĭt kăl păng hơtŏk ‘lơ̆ng tơdrong kĕ pơjei tơring. Tổng Bí thư athei 2 dêh char akŏm jang đang dôm tơdrong hơgăt jăl jang 2020–2025, hơmet ăn mă hơlen ăn Hop akŏm Đảng bộ rim tơring, yak truh Hop akŏm lơ̆m teh đak ‘măng mă XIV kơ Đảng.