Tơ̆ hơnăp yang hơbang Ƀok Hô, Khul kơdră tang măt hlôi pơma tơbăt jơhngơ̆m hôn bơnê tôch kơ dêh, kŭp yom, ƀlŏk hơdơ̆r dôm tơdrong tơgop tih tên đơ̆ng Ƀok hăm tơdrong jang kech mang kơ Đảng păng hơdrĕch hơdrung bơ̆n. Ƀok hlôi plang đĭ jơhnơr hơrih ăn kon pơlei, teh đak, chông ba Đảng bơ̆n, kon pơlei bơ̆n iŏk đei jơnei tih tên.
Gơvang pơkao kơ Khul đei chih chư “Ling lang ƀlŏk hơdơ̆r hôn bơnê Kơdră chĕp pơgơ̆r teh đak Hồ Chí Minh nuih mơng gơh hơgei”. Chăl sơnăm gĭt kăl kơ teh đak ling lang tơƀôh hơdăh lơ̆m 11jơ 30 pơnĭt năr 30/4/1975 mưh hla kơ kĕch mang păr mơ liơk tơ̆ pơbŭng Dinh Độc Lập - hơnih tơm tuch luch kơ khul kơdră chĕp pơgơ̆r Sài Gòn. Đơ̆ng au, tơring pơbăh đei rơngei, Teh đak rơngei keh kong. 49 sơnăm đơ̆ng rŏng rơngei, Việt Nam đơ̆ng minh teh đak dơnuh, hlôi yak hloh ưh kơbăt dôm yơ tơdrong mơmat tat hrat hrĭn, tơdrong long, roi năr roi iŏk đei jơnei tih tên, đei jing mĭnh lơ̆m dôm teh đak lơ̆m khul rim teh đak atŏk tơ iung kơtang lơ̆m tơring păng apŭng plĕnh teh.
Viết bình luận