
Kơdră teh đak pơma hơdăh Đảng păng teh đak Việt Nam lăng kăl păng ‘meh vă hơnơ̆ng hơtŏk loi dơ̆ng pơvei tơbôl joăt joe hăm Mông Cổ lơ̆m dôm tơdrong jang, lăp hăm tơdrong kĕ jang păng ‘meh vă đơ̆ng 2 păh, pơm lăp hăm đei yua păng hơ pơi ‘meh đơ̆ng kon pơlei 2 teh đak, tơgop lơ̆m tơdrong pơvei rơngei, sơđơ̆ng, jang hơdai păng hơtŏk tơiung tơ̆ tơring păng lơ̆m apŭng plĕnh teh. Kơdră teh đak pơma hơdăh đon tơchĕng kơjăp hloh đơ̆ng Việt Nam ‘meh vă pơm ‘lơ̆ng hloh tơdrong pơvei tơbôl joăt joe, dôm hơyak hơtŏk tơiung ‘lơ̆ng, tơpă păng tôm tơdrong đơ̆ng 2 teh đak.

Ƀar păh kăl kơ jăh tơlĕch jang dôm tơdrong drơ̆ng nơ̆r hlôi kĭ pơkăp ƀlep ƀơ̆t ‘măng năm ngôi đơ̆ng kơdră chĕp kơ̆l gĭt kăl 2 teh đak kŭm nhen tơdrong ‘măng hop akŏm 2 khŭl kơdră teh đak, mă loi ‘noh jĭ lơ̆m dôm tơdrong jang mŭk drăm, mơdro sa, tơmơ̆t jên jang, sơđơ̆ng, khŭl lĭnh, pơtho pơhrăm păng pơvei đơ̆ng rim tơring. Hơdai hăm ‘noh, 2 păh hơnơ̆ng tơgŭm băl lơ̆m dôm hop akŏm apŭng plĕnh teh lăp hăm khôi luơ̆t apŭng plĕnh teh păng đei yua đơ̆ng 2 teh đak.
Viết bình luận