Kiơ̆ kơ ‘nŏh, hơmet ming jơnăr Quốc hội mơ̆ng hla ar chih tơroi, pơgơ̆r pơma nuh păng drơ̆ng nơ̆r adrol kơ ‘năr 18/5 hăm 2 tơdrong tơchơ̆t găh 1,2 trong pơgơ̆r jang, tơdrong tơgŭm gĭt kăl, pơjing hơyak tŏk pran găh tơplih ‘nao tơdrong chih pơjing păng jang kiơ̆ luơ̆t pơm lăp hăm tơdrong ‘mĕh vă jang tŏk kơ teh đak lơ̆m chăl ‘nao; păng Tơdrong tơchơ̆t găh 1,2 trong pơgơ̆r jang, tơdrong tơgŭm gĭt kăl vă atŏk tơiung mŭk drăm tơ̆ anih jang kơdih.

Atŭm hăm ‘nŏh, tơ̆ hop akŏm âu vă tơmât dơ̆ng 3 tơdrong tơroi đơ̆ng Khul kơdră  teh đak ăn Quốc hội set hơlen, tơchơ̆t. Quốc hội oei hơmet ming jơnăr pơma nuh hăm 1,2 tơdrong nai đei ƀơm truh mă lăp ‘lơ̆ng. Kiơ̆ kơ ‘nŏh, tơchĕng adrol hop akŏm vă pơtôch lơ̆m kơsơ̆ 27/6, đei hơmet hiă 2 năr ‘nŏh 28 păng 30/6.