Kơsơ̆ 16-7, Phŏ Thủ tướng Trần Hồng Hà pơgơ̆r ‘măng hop akŏm kơtă hơdai hăm trực tuyến hăm 22 dêh char, pơlei tơm vă mơ̆ng hla ar roi tơbăt găh athei chih tơmơ̆t dơ̆ng Luơ̆t hơmet ming, tơmơ̆t dơ̆ng 1,2 hơpăng đơ̆ng dôm Luơ̆t lơ̆m tơdrong jang choh jang sa păng cham char lơ̆m Tơdrong jang pơjing khôi luơ̆t sơnăm 2025 đơ̆ng Quốc hội jăl 15. Luơ̆t hơmet ming, tơmơ̆t dơ̆ng 1,2 hơpăng đơ̆ng 16 Luơ̆t lơ̆m tơdrong jang choh jang sa păng cham char, ‘noh đei 3 grŭp tơdrong tơm: hơmet ming, tơmơ̆t dơ̆ng vă proh hơmet khŭl bơngai jang, kơdră chĕp kơ̆l tơring 2 tăl păng klaih song hơnăp jang, kơchư̆k jang; pơm hla ar ƀônh ƀŏ, kăt tơ jur tơdrong pơkăp tơmơ̆t jên jang tĕch mơdro păng hơmet pơ ‘lơ̆ng hloi tơdrong kăl, tơhlăk tơhlĭn, ưh kơ ‘lơ̆ng đei ƀôh đơ̆ng yan âu.

Pơtôch jơ bơ̆jang, Phŏ Thủ tướng Trần Hồng Hà athei Anih tơm vei lăng găh Choh jang sa păng Cham char chih iŏk tôm nơ̆r tơgop đơ̆ng rim tơring, anih jang tơm, anih jang, tơtĕnh chih pơkeh tơdrong jang Luơ̆t. Hơdai hăm ‘noh grŭp tơdrong tơmơ̆t lơ̆m Luơ̆t, Phŏ Thủ tướng athei hơmet ăn Hla ar chih tơdrong Tơchơ̆t đơ̆ng Khŭl kơdră teh đak vă hơmet pơ ‘lơ̆ng