Thủ tướng Phạm Minh Chính sơng pơm dơnuh hăm Kơdră chĕp pơgơ̆r Grŭp jang Ŭnh hơyuh Nguyên tử Teh đak Liên bang Nga
Thứ ba, 10:16, 14/01/2025 VOV/Amazưt tơblơ̆ VOV/Amazưt tơblơ̆
VOV4.Bhanar - Kơsơ̆ năr 13/1, Thủ tướng Phạm Minh Chính hlôi sơng pơma dơnuh hăm ƀok Alexey Likhachev - Kơdră chĕp pơgơ̆r Grŭp jang Ŭnh hơyuh Nguyên tư Teh đak Liên bang Nga (Rosatom) tŏk bŏk năm ngôi păng bơ̆ jang tơ̆ Việt Nam.

 

Thủ tướng Phạm Minh Chính hôn bơnê kơtang tơdrong jang hơdoi, tơgŭm djru đơ̆ng Liên bang Nga hăm Việt Nam lơ̆m tơdrong pơtho pơjing rim bơngai jang khoa hŏk, bơngai joăt jang lơ̆m tơdrong jang ŭnh hơyuh nguyên tử; pơjing, bơ̆ jang pơm tơlĕch hạt nhân Đà Lạt; atŏk tơ iung Hơnih tơm nhiệt đới Việt - Nga; pơtruh kơchơ̆t phóng xạ ăn bơ̆ jang khăm hơlen, ming hơmet jĭ ôm sĕch akar. Thủ tướng ‘meh vă Liên bang Nga păng Grŭp jang Rosatom hơnơ̆ng jang hơdoi, tơgŭm djru Việt Nam, ưh khan lăp atŏk tơ iung ŭnh hơyuh hạt nhân mă oei atŏk tơ iung khoa hŏk kmăi kmŏk hạt nhân kơ yuơ tơdrong rơngei hiôk hian, atŏk tơ iung mŭk drăm-tơpôl. Kơdră chĕp pơgơ̆r Alexey Likhachev tơbăt, Rosatom drơ̆ng nơ̆r jang hơdoi, tơgŭm Việt Nam tơ iung pơjing hnam kmăi ŭnh hơyuh hạt nhân; tơ iung pơjing hơnih tơm hạt nhân ‘nao, gơ̆h hơgei; pơtho tơbăt bơ̆ jang kmăi kmŏk, kơdih pơm tơlĕch rim tơmam drăm hạt nhân ăn Việt Nam.

VOV/Amazưt tơblơ̆

Viết bình luận

TIN CÙNG CHUYÊN MỤC