Pơma tơ̆ jơ pơm lêh, Thủ tướng Phạm Minh Chính tơƀôh đon hơiă mưh tơlĕch jang 1 tơdrong jang tih, gĭt kăl hăm tơdrong jang atŏk tơiung mŭk drăm tơpôl kơ dêh char Hưng Yên păng kơ teh đak. Thủ tướng hơmĕng Tơdrong jang ‘nâu gô jing 1 um ai ‘lơ̆ng, tơƀôh hơdăh tơdrong pơvei, jang hơdoi gĭt kăl tôm tơdrong kơjăp đunh đơ̆ng 2 teh đak Việt Nam - Mi. Thủ tướng pơjao ăn dêh char Hưng Yên yak hơdoi hăm anih tơmât jên jang lơ̆m tơdrong chưk pơ ‘ngoăih teh.

Vei lăng năng tông truh tơdrong arih xa kơ dôm unh hnam, dôm bơngai chu chĕng song 1 păh teh choh jang xa vă pơyoa ăn tơdrong jang ‘nâu, pơm ăn tơdrong arih xa găh tơmam drăm, jơhngâm đon kơ kon pơlei tŏk ‘lơ̆ng ƀiơ̆ kơ anih oei so. Hơdai hăm ‘nŏh dôm anih jang kơpal hơnơ̆ng tơgŭm tôch ai găh tơdrong pơm hla ar tơlĕch tơdrong jang, sek tơlang kĕh dôm tơdrong tơhlăk mưh đei lơ̆m khei ‘năr tơlĕch jang.