
Pơma tơ̆ jơ bơ̆jang, Tổng Bí thư Tô Lâm pơma hơdăh ‘nâu jĭ tơdrong hiôk vă dôm tơring vang dăr hơlen, lăng dơ̆ng tơdrong ‘lơ̆ng bơ̆jang chĕp kơ̆l, pơgơ̆r păng trong vă jang hơtŏk tơiung ăn pơlei tơm Hồ Chí Minh ‘nao tơ̆ hơnăp kơnh. Tổng Bí thư tơƀôh hơdăh 2 hơnăp jang kăl hrei ‘nâu ‘noh jĭ vei kơjăp sơđơ̆ng teh đak, vei sơđơ̆ng rơngei vă hơtŏk tơiung.

Hơdai hăm ‘noh, Tổng Bí thư tơtă akŏm jên jang, tơmam jang vă hơtŏk tơiung mŭk drăm, jang đang dôm tơdrong hơgăt Hop akŏm XIII kơ Đảng, dôm tơdrong tơchơ̆t ƀơm truh păng hơmet ăn Hop akŏm XIV vă jê̆ truh. Tổng Bí thư lăng ‘lơ̆ng jơhngơ̆m đon hơdrin đơ̆ng pơlei tơm Hồ Chí Minh păng dôm tơring ƀơ̆t tơlĕch tơdrong hơgăt jang tŏk lơ hloh kơsô̆ jô̆ păh lăp atŭm kơ lơ̆m teh đak, hơdai hăm athei pơlei tơm hơdrin bơ̆jang kiơ̆ ‘lơ̆ng tơdrong hơgăt âu lơ̆m 6 khei hơtuch sơnăm vă hơtŏk ‘lơ̆ng tơdrong hơrih kon pơlei.
Viết bình luận