Tổng Bí thư  bơnê kơ 3 dêh char hlôi jang đei jơnei kăp gĭt gah mŭk drăm – tơpôl, mă kăl noh hơtŏk mŭk drăm sơđơ̆ng lơ̆m sơnăm 2024 păng blŭng sơnăm 2025. Tổng Bí thư ră hơdah, tơdrong tơmơ̆t hơdai 3 dêh char jĭ trong hiôk vă tơplih đơ̆ng hơtŏk jang hơdrô̆ jing pơm jang atŭm lơ̆m tơring, vă hơvơn asong jang, hơtŏk anih jang hơdai, mŭk drăm jơk păng tơplih kơmăi kơsô̆.

Ƀok pơgơ̆r 3 dêh char akŏm hơlen tơdrong pơm kiơ̆ dôm tơchơ̆t Hop akŏm Đảng jăl jang 2020-2025, dah đei trong jang ăn dôm tơdrong jang tơnap, atŭm hăm noh sơkơ̆t hơtŏk tơ-iung đơ̆ng rŏng kơ tơmơ̆t hơdai, tơchơ̆t pơjing anih tơm hơtŏk tơ-iung 'nao hơbĕch hơbal lơ̆m tơgar jang kơ teh đak, hơtŏk tơ-iung jơk, gơh hơgei, đei lơ anih akŏm jang păng jang hơdoi lơ̆m apŭng plenh teh