Pơma dơnuh găh tơdrong tơm, trĕng lăng păng 1,2 trong jang ‘lơ̆ng hơtŏk tơiung teh đak lơ̆m jăl jang hrei ‘nâu, Tổng Bí thư Tô Lâm pơma hơdăh khei ‘năr âu ki, bơ̆n hlôi drơ̆ng nơ̆r găh trĕng lăng chăl ‘nao, chăl hơtŏk tơiung pơdrŏng pran kơ teh đak đơ̆ng Hop akŏm 14. 

‘Meh bơ̆jang kiơ̆ đei dôm tơdrong hơgăt âu ‘noh athei iŏk đei jang tŏk GDP 2 kơsô̆ hơnơ̆ng lơ̆m lơ sơnăm. Tổng Bí thư tơroi rơđăh: Dôm bơngai đei lơ̆m hơnăn Proh hơmet jang lơ̆m Trung ương tă kơ jing khŭl kang ƀô̆ proh hơmet gơh hơgei kơ Đảng, jĭ dôm kang ƀô̆ mơlôh, bơngai gô pŭ tôi hơnăp jang kơ teh đak lơ̆m dôm sơnăm truh, lơ̆m jăl jang tôch kơ gĭt kăl kơ jơhnơr hơrih hơtŏk tơiung hơdrĕch hơdrŭng. Tổng Bí thư athei: Dôm bơngai đei lơ̆m hơnăn Proh hơmet jang lơ̆m Trung ương ƀôh hơdăh chơt hơiă păng hơnăp jang đơ̆ng kơdih vă ưh kơ đei pơdơh hơdrin hŏk pơhrăm, hơdrin iung jang, yak tŏk pơm lăp hăm ‘meh vă hơnăp jang tơ̆ hơnăp kơnh