Tơdrong pơgơ̆r ou lơ̆m găh ‘măng pơgơ̆r Pơm lêh chehphe ‘măng mă 9, kơkuh chơt hơ iă 50 sơnăm năr rơngei pơlei tơm Buôn Ma Thuô̆t păng 120 sơnăm pơjing dêh char Dak Lăk. ‘Măng pơlong hơvơn đei 100 ‘nu bơngai kơ thĭ trân Liên Sơn, rim tơring Đắk Liêng, Bông Krang, Yang Tao kơ apŭng Lăk păng Kŏng ty tơmang pơhiơ̆ Lắk Tedcam. Rim bơngai pơlong vang pơlong pơjei dih băl kơ ‘măng pơlong vơ̆r thŏng nan 2, 3 păng 4 ‘nu. Pơtôch pơlong, khul pơlong kơsô̆ 10 thĭ trân Liên Sơn hlôi iŏk đei jơnei pơ đĭ pêng khul. Tơdrong pơlong ou jing tơdrong joăt ‘lơ̆ng hơ iă đơ̆ng sơ̆ kơ kon pơlei bơngai Mnông păng mĭnh ƀar hơdrung anai joăt jang rôp ka hơdang lơ̆m đak kroong Krông Ana păng dơnou Lăk găh apŭng Lăk.