Adat paling pandap da-a muk kei lac sa dalam dom adat dalam diuk rai di urang bangsa Lô Lô, ndung ba makna pato pakai bhap bini thau ka halau gha, thau dhar phol muk kei, pato pakai menyum ia hadar tal halau ia, pambuak bhap bini, baoh sang, but pajaih, palei negar…Kadha “Dom bangsa Viet Nam” adit ini khol dahlak hu khan kadha vak di Việt Cường, angaok harak mbao điện tử Thông tấn xã VN ka Adat paling pandap da-a muk kei di bangsa Lô Lô:

Dalam ilamu di urang Ê Đê, adat pambuak talei rohim adei sa-ai lac sa bruk ndung bak pato pakai, hu makna pambuak pagam bhap bini, padang bruk praong jum pataom dom baoh sang, but pajaih atau pambuak dom bangsa daok haong gauk di puk palei. Kadha Dom bangsa Viet Nam adit ini, da-a mikva yaom pang kadha vak di H Xíu, urang vak di Rayo sap ndem Viet Nam daok di Tây Nguyên yaih khan ka bruk gheih mekre di adat pambuak talei rohim adei sa-ai di urang Ê Đê birau hu peih ngak di palei Drai Sí, xã Ea Tar, huyện Cư Mgar, tỉnh Đắk Lắk.

Urang Giẻ Triêng lac sa dalam dom bangsa takik menuac, daok di bhum Đông Bắc ceik Trường Sơn. Langiu gilang ilamu bhap bini biak rilo janih, urang Giẻ - Triêng daok khik hu adat lakhah caga biak karei di drei. Kadha “dom bangsa adei sa-ai” harei ini, kol dahlak hu khan brei thau dom gheih mekre dalam adat lakhah caga di urang Giẻ – Triêng.

Yaok thun tal akaok bilan 4 saka ia bulan, bhap bini daok di xã bhum glaong Pác Khuông, xã Thiện Thuật, huyện Bình Gia, tỉnh Lạng Sơn ba gauk peih darak “chợ tình Hàng Pò”. Thun ini, xã hu peih Harei pataom tamia sư tử gam haong var darak nan ye dak chreih chrai, bui sambai jang. Kadha “dom bangsa adei sa-ai” adit ini, da-a mikva saong taong abih gauk pang yaih khan ka darak “chợ tình Hàng Pò” di Pác Khuông tapa kadha vak di Nguyễn Duy Chiến mangaok báo Tiền Phong:

Adat Then Kin Pang lac adat ghieh mekre di bangsa Thái putih daok di Lai Châu, labik pataom ginup dom ilamo hadah krah biak karei, dom bruk daoh tamia bhap bini ghieh mekre bo takik bangsa halei hu. Kadha dom bangsa adei saai harei ini, khol dahlak yaih khan adat Then Kin Pang di urang Thái putih daok di Tây Bắc.

Daoh ADay di urang Khmer (xã Xà Phiên, huyện Long Mỹ, tỉnh Hậu Giang) lac ilamo parang me-in meng kan mai di bhap bini, tui jalan daoh “menyai”. Inem krung ilamo ini bahrau hu Mintri Ilamo, Thể thao saong Du lịch pok brei angan lac inem krung ilamo oh maong mboh pakat negar. Kadha vak di urang vak di mbao online Bangsa saong Patagok hu ndem ka bruk khik caga ilamo daoh Aday di urang Khmer Hậu Giang.

Cấp sắc lac sa adat cambat tanarakun meng kan di urang bangsa Dao daok di tỉnh Sơn La song urang Dao Tiền di huyện Mộc Châu. Urang likei Dao brei tapa adat cấp sắc, sa adat brei mboh lac praong jeng dam, saong hu bruk iek praong di bhap bini ka urang hu cấp sắc. Kadha dom bangsa adei saai harei ni, daa mik va song tong abih gauk pang kadha vak di Hữu Quyết angaok mbao Bangsa song Bhum ceik ka adat cấp sắc di urang Dao Tiền - adat cambat hu mintri Ilamu, Thể thao song Du lịch ba tame harak angan inem krung ilamu phi vật thể thun 2016:

Dom puk palei di urang Hà Nhì daok di Y Tý dalam huyện Bát Xát yau Choản Thèn, Lao Chải urak ini hu jeng labik ravang me-in bhian randap di tuai damuai. Bruk ngak du lịch meng dom baoh sang ngak meng haluk hu thaik thaok yau bimao di urang Hà Nhì hu rik daong khik ramik ilamu bangsa Hà Nhì – bruk gheih mekre ngak jeng prein dui pachreih di bhum glaong Y Tý. Kadha “dom bangsa adei sa-ai” adit ini, da-a mikva saong taong abih gauk pang kadha vak di Kiều Lê angaok báo Biên phòng ka bruk urang Hà Nhì daok di Lào Cai ngak du lịch pambuak haong khik ramik ilamu bangsa.

Pathau mikva saong taong abih gauk! Di Harei pataom Daoh tamia bhap bani ilamo dom bangsa di bhum taneh Trường Sơn – Tây Nguyên peih prong mbang ka III thun 2022 rah tabiak meng harei 16 tal harei 19/3 meng blaoh di Labik rivang ma-in sinh thái Pakat negar Măng Đen, ban sit Măng Đen, huyện Kon Plông, tỉnh Kon Tum, gam haong dom bruk ngak ilamu, rija roya… daok hu bruk pataom veik ilamo kaya mbang bangsa dom bhum palei tapa Nyaom pakacah likei dam, kumei dara naih gheih dui pachreih hu rilo bhap bani saong tuai damuai atah jaik. Kadha dom bangsa VN harei ini, daa mikva saong taong abih gauk pang kadha vak di Khoa Điềm, urang vak di rayo sap ndom VN daok di bhum Tây Nguyên.

Di dom huyện bhum ceik tỉnh Quảng Ngãi, salih ka bruk nao atah palei padang mbang ngui, rilo dam dara bangsa takik biak takre bruk ngak meng kan mai, kak kajap haong puk palei. Rilo pandap ngak meng tangin tui jalan meng kan di labik ini hu rilo labik takre, peih tabiak jalan patagok dulich, paglong raidiuk bhap bini. kadha vak di Vinh Thông – urang vak di Rayo sap ndem Viet Nam daok di bhum kreh Negar ka dam dara bangsa H’rê takre bruk ngak meng kan: