Ala takai ceik Ngọc Linh, dua huyen bhum ceik Bắc saong Nam Trà My, tỉnh Quảng Nam lac bhum taneh diuk rai meng lavik mai di urang bangsa Ca Dong ( dhar bangsa Xê Đăng). Lac sa dalam biak takik dom bangsa takik di bhum ceik Trường Sơn - Tây Nguyên, urang Ca Dong tuk halei jeng biak caong khin khik ramik saong patoa veik dom ragu daoh bhap bini bangsa drei…Dalam kadha“Dom bangsa adei sa-ai” harei ini, da-a mikva saong grauk ayut duah thau dom gheih mekre di ragu daoh bhap bini Ca Dong tapa kadha vak angaok harak mbao Bangsa saong Bhum ceik:

Bangsa Hrê rilo meng daok di tỉnh Quảng Ngãi, hu inem krung ilamo biak rilo, ngan haong dom ragu daoh bhap bini yau ye Ka-choi, Ta-lêu gam haong dom janih alat ragam bangsa yau ye chiêng, capi Brook, chinh K’la, Ta lía…. Peih ngak dom jalan ngak di Đảng ka bruk khik ramik ilamo dom bangsa, tỉnh Quảng Ngãi daok pambuak haong mikva bangsa Hrê kham marat khik ramik, patagok yaom glaong ilamo di bangsa drei, piah oh lahik nao. Kadha vak di Đinh Hương hu ba tagok mbao Bangsa bhum ceik hu ndem tal bruk Quảng Ngãi khik ramik ilamo hadah krah di bangsa Hrê.

Mentri Ilamo, The thao saong Du lich bahrau tabiak harak brei thau Adat Khai hạ saong Tri thức lịch Đoi (lịch Tre) di urang Mường tame angan ilamo phi vật thể pakat negar. Ini lac sa kadha biak prong di urang palei Mường Hòa Bình. Kadha dom bangsa VN adit ini, daa mikva saong taong abih gauk pang kadha vak di Nguyệt Anh angaok Bangsa saong Cakrok piah thau jang ka Adat Khai hạ.

Bangsa Cơ Tu daok rah tui talei ceik Trường Sơn daok khik hu rilo ilamu hadah krah, dalam nan, lagu tamia “Tung tung da dá” (daok ieu lac ragu tamia pok tagok po langik) lac brei mboh ka ilamu ndung bak raidiuk, ka hatai sahneng di urang Cơ Tu. Piah khik ramik, yaih khan ilamu gheih mekre di mikva, ban Đà Nẵng daok ba ragu tamia ini tame pamere tuai du lịch. Kadha “dom bangsa adei sa-ai” adit ini, kol dahlak likau khan kadha vak: Ba ragu tamia “tung tung da dá” di urang Cơ Tu tame duh ka tuai du lịch di urang vak Đức Hoàng hu ba tagok blah web di Mintri ilamu thể thao saong ravang.

Urang Giáy di Lai Châu dok di grauk dom huyện thị dalam tỉnh hu labaih 14.000 urang. Dalam nan, ban Lai Châu lac labik hu urang bangsa Giáy dok rilo abih di phường Quyết Thắng song xã San Thàng. Raja Háu Đoong phường Quyết Thắng lac bruk ilamu meng kan, hu khik veik meng saman ni tapa saman deih, piah pamong mai halau gha, ilamu meng kan di bangsa. Kadha: Dom bangsa adei saai adit ni, daa mik va song tong abih gauk pang kadha vak di Đinh Thùy mangaok mbao điện tử di TTXVN hu ndom ka rija Háu Đoong:

Puac thun 2021, UBND tỉnh Thừa Thiên Huế brei adat ka Muinyim lan anm klauk krong Hương di Giáo sư, Tiến sĩ Thái Kim Lan hu peih tabiak ngak. Labaih 30 thun ngan song hatai takre pandap klak srong tagok meng krong Hương, muk brei padang Muinyim lan an klak krong Hương song hatai cong khin yaih khan janih ilamu klauk tal bhap bini song tuai damuai , abih di nyu nan lac dom urang daok ranaih umo thun. Kadha : dom bangsa adei saai, adit ni, daa mik va pang kadha vak di Nguyễn Công Hậu mangaok mbao Nhân Dân yaih khan ka Muinyim lan an klauk krong Hương –sa muinyim duy nhất dalam taneh ia hu parang tabiak labaih 7.000 pandap lan klauk hu roh duah, duah mboh meng dom baoh krong di Thừa Thiên Huế.

Jeik lac pandap pambuak pagam haong raidiuk di urang Jrai, Bahnar. Thau hu dom yaom glaong ilamo bangsa, rilo sang kham merat khik piah hu dom baoh jeik quý, rik daong caik veik ka rairah harei hadei. Kadha dom bangsa adei saai adit ini, khol dahlak yaih khan kadha vak di R’ô Hok mangaok mbao Gia Lai hu ndomka mikva bangsa daok di Gia Lai khik piah jeik meng kan ka rairah harei hadei.

Urang Dao Tiền daok di xã Phiêng Luông (huyện Mộc Châu, t.Sơn La) tuk halei jeng sahneng lac, anek menuac thei jeng rilo atau takik kan nyaik hu dom cuang kandah, tavak tavaiy dalam rai duik. Kayua yau nan ye, yaok thun, brei likau haong langik tasik, yang mebhang, muk kei piah hu sraong daong, pa-atah dom kanjah jhak, pandik harao, tuk halei jeng hu siam mekre, salamat. Kayua yau nan ye, Tết nhảy hu peih ngak song hatai caong khin rao hacih dom pandik pandoa, likau hu patuah jamo, pren yava khang kajap ka abih menuac dalam sang, ka gauk gar but pajaih. Kadha dom bangsa adei saai harei ni, kol drei tui pang kadha vak di urang vak Thu Hà ndom ka Tết nhảy di urang Dao Tiền:

Adat uan lisei bahrau di Điện Biên lac tuk piah ka anek taco pok tagok muk kei dom pandap mbang meng kan, daa muk kei huak lisei song caong muk kei sraong daong ka dom urang dalam sang hu pren yava khang kadang, pala drak njauk. Kadha dom bangsa adei saai adit ni, kol dahlak hu khan kadha vak di mangaok mbao online Thông tấn xã VN ka adat uan lisei bahrau di urang bangsa Xinh Mun.

Harei pataom pakacah “vật cầu nước”di palei Vân (huyện Việt Yên, Bắc Giang) hu peih tabiak di dom harei 12,13 saong 14 bilan 4 saka ia bilan. Harei pataom lac sa ilamo pok kakuh Yang ia harei di urang ngak nong, hu meng lavik mai, biak gheih makre, bui sambai saong lac oh pak halei hu. Meng bruk lac oh labik halei hu, Harei pataom pakacah “vật cầu nước”di palei Vân hu Mintri Ilamo Thể Thao saong Du lịch pok brei angan lac inem krung ilamo phi vật thể pakat negar. Kadha dom bangsa adei saai adit ini, khol drei duah thau dom gheih mekre di Harei pataom pakacah ini tapa kadha vak di Tiến Dũng mangaok mbao online VOV.VN: