Giăm 800 čô thâo mbruă nao hlăm knăm mơak mâo leh dŭm klei rang mdah jăk, bi mni kơ knhuah dhar kreh, lui hlăm ai tiê phung ktuê dlăng leh anăn phung tuê dŭm klei jiă kma. Dŭm klei rang mdah mkŏ mjing leh knăm mơak jăk yâo, hŏng bruă lŏ mkŏ wĭt dŭm klei ngă yang msĕ si: knăm lui msat, huă mdiê mrâo, ngă yang pin êa, huă sang rong.

Hlăm hruê knăm dhar kreh dŭm djuê ana thŭn anei, êngao kơ knhuah dhar kreh mơ̆ng dua djuê ana Bahnar leh anăn Jarai, lŏ mâo êa mil dhar kreh mơ̆ng djuê ana Tày krĭng Dưr. Phung tuê leh anăn phung thâo mbruă ñŭ kma mbĭt hŏng ênai brô tĭnh leh anăn hrăm mbĭt kdăt giê, lŏ mkŏ klei khăp mơ̆ng yang ƀuôn bi kbưi dŭm êbâo km.