Dlăng hră bi hdơr khua bruă Đảng čar Hà Tĩnh Hoàng Trung Dũng lŏ bi hdơr kơ bruă cách mạng hing ang, dŭm klei đru mguôp prŏng prĭn mơ̆ng khua gĭt gai Đảng Trần Phú hlăm bruă cách mạng mơ̆ng Đảng, djuê ana Việt Nam – sa ai tiê prŏng prĭn, klei mĭn ktang kjăp. Klei anăn hlăk ktur pioh leh hlăm knhuah gru kdrăm k’ah kơ djuê ana, ƀuôn sang Hà Tĩnh, jing leh ai ktang, klei hriăm yuôm bhăn, pioh kơ klei mđĭ kyar lăn čar ară anei.

Knăm bi hdơr anei lŏ bi hdơr dŭm ai tiê, bruă knuă, klei duh myơr mơ̆ng khua gĭt gai Trần Phú hŏng bruă cách mạng Đảng, mơ̆ng djuê ana Việt Nam lehanăn ƀuôn sang Hà Tĩnh. Mbĭt anăn mñă kơ bruă klam klai kiă kriê kreh knhâo mơ̆ng Đảng cộng sản Việt Nam, mơ̆ng khua gĭt gai Hồ Chí Minh lehanăn phung khua kiă kriê bi êdah klei tŭ jing hlăm klei krŭ kdơ̆ng, kyua klei êngiê kơ djuê ana, kơ lăn čar, kyua klei mĭn cộng sản, kyua klei jăk jĭn kơ mnuih ƀuôn sang./.