Klei bi lông mnơ̆ng ƀơ̆ng huă hŏng ala tač êngao mâo truh 120 mta mnơ̆ng ƀơ̆ng mkra mjing mơ̆ng đẳng sâm
Thứ sáu, 10:13, 26/04/2024
VOV TAYNGUYEN
VOV TAYNGUYEN
VOV4.Êđê- Tlam mbrue (25/4), ti ƀuôn Tu Thó, să Tê Xăng, kdriêk Tu Mơ Rông, čar Kon Tum pŏk leh klei bi lông mkra mnơ̆ng ƀơ̆ng huă hŏng ala tač êngao, lehanăn mâo bi mklă leh ênoh lu hĭn mơ̆ng Việt Nam truh 120 mta mnơ̆ng ƀơ̆ng mâo mkra mjing mơ̆ng đẳng sâm (amâodah lŏ pia jing sâm hruĕ) sâm dây) sa mta ana êa drao yuôm hin ti krĭng čư̆ čhiăng Tu Mơ Rông.
Hŏng akŏ “Mnơ̆ng ƀơ̆ng mơ̆ng ana êa drao, boh tŭ mơ̆ng čư̆ čhiăng čư̆ dliê Ngọc Linh”, Klei bi lông mnơ̆ng ƀơ̆ng huă anei mâo truh 21 êpul nao bi lông. Hlăm anăn, mâo 11 êpul hrie mơ̆ng dŭm să hlăm kdriêk Tu Mơ Rông, čar Kon Tum; 10 êpul mơ̆ng dŭm ala čar Lào, China, Switz lehanăn dŭm êpul hgŭm tŭk mkra mnơ̆ng ƀơ̆ng hlăm ala čar.
Êpul brei puăng hŏng lu phung knhăk hlăm bruă mkra mjing mnơ̆ng ƀơ̆ng hing ang hlăm ala čar pô srăng brei puăng tui si mnơ̆ng ƀơ̆ng mkra mjing, ti anôk rang mdah. Hlăm klei bi lông anei knơ̆ng bruă ksiêm yap ênoh kdlưn hĭn Việt Nam bi mklă kơ 120 mta mnơ̆ng ƀơ̆ng mâo mkra mjing mơ̆ng ana sâm hruĕ ti kdriêk Tu Mơ Rông.
Viết bình luận