Anei jing jih jang bruă dhar kreh mkŏ mjing mơ̆ng hrue 9 - 18/4 (jing mơ̆ng hrue 1 - 10 mlan 3 hlue mlan ƀlĕ) mâo lu mta bruă ngă. Hlăm anăn, kdrêč knăm, mâo: Knăm ngă yang kơ Lạc Long Quân lehanăn čuh brui mngưi bi hdơr kơ Tổ Mẫu Âu Cơ, čuh brui mngưi bi hdơr kjơ hrue mtao Hùng Vương; čuh brui mngưi kơ phung mtao Hùng ti dŭm alŭ wăl hlăm čar.

Mbĭt hŏng anăn, hrue kăm dhar kreh – hiu čhưn ênguê ti lăn đưm lŏ mâo lu bruă ngă msĕ si: Rang mdah mnơ̆ng dhơ̆ng, hră mơar ti sang dlăng hră čar Phú Thọ, sang kriê pioh kơ mtao Hùng Vương; hdră kdŏ mmuiñ hlăm êlan klông "Việt Trì Livemusic", pơ̆ng nưh dhar kreh lehanăn rang mdah mnơ̆ng jăk.