Blŭ hlăm knăm pŏk, k’iăng khua bruă sang čư êa čar Kon Tum Nguyễn Hữu Tháp mñă klă, dŭm anôk bruă klei mrâo, hâo hưn hlăm čar mbĭt hŏng dŭm anôk bruă hâo hưn, klei mrâo mơ̆ng gưl dlông jưh dôk ti alŭ wăl čar mâo leh lu klei mlih mrâo hlăm bruă hluê ngă bruă klam kđi čar, mđĭ klei thâo săng mnuih ƀuôn sang, đru mguôp hlăm klei mđĭ kyar bruă duh mkra – ala ƀuôn.

K'iăng khua bruă sang čư êa čar Kon Tum Nguyễn Hữu Tháp hmăng hmưi dŭm anôk bruă klei mrâo, hâo hưn lŏ gĭr ktưn hĭn čiăng mkŏ mjing dŭm klei čih hnơ̆ng tŭ jăk, hưn mdah, bi klă klei đĭ kyar čar, bi mni kơ phung ngă bruă klei mrâo, mđĭ ai, mđĭ kyar dhar kreh dlăng hră mơ̆ng mnuih ƀuôn sang čar Kon Tum.