Hŏng akŏ “Lâm Đồng anôk juh jơ̆ng mnga leh anăn klei kdŏ mmuñ”, Hruê kăm hiu čhưn ênguê čar Lâm Đồng gưl tal 3 thŭn 2024 mĭn tĭng mkŏ mjing mơ̆ng hruê 31/5 – 6/6.

Êngao kơ dŭm hdră phŭn mkŏ mjing ti Đà Lạt msĕ si: knăm mphŭn pŏk, hdră kdŏ mmuñ, drông phung tuê, bruă hâo hưn tar rŏng lăn ksiêm dlăng mnơ̆ng dhơ̆ng, bruă knuă hiu čhưn ênguê, wăl hưn mdah dŭm klei kdŏ mmuñ – dhar bruă dŭm djuê ana, wăl mnga leh anăn mnơ̆ng ƀơ̆ng jăk yâo Đà Lạt, dŭm hdră hruê yuôm, mmông yuôm, hruê kăm hiu čhưn ênguê Lâm Đồng tal anei lŏ mâo thiăm lu hdră, bruă dhar kreh, mjuăt asei mlei leh anăn hiu čhưn ênguê dưi mkŏ mjing ti dŭm kdriêk, ƀuôn prŏng hlăm čar.