Mđup brei hră bi mklă anôk kriê pioh hƀuê ênuk ala čar Čư̆ Jŭ - Dliê Ya
Thứ tư, 10:43, 24/04/2024
VOV Tây Nguyên
VOV Tây Nguyên
VOV4.Êđê- Tlam 23/4, Bruă Đảng, bruă sang čư̆ êa kdriêk Krông Pa, čar Gia Lai, kdrưh kơăm tŭ mă hră bi mklă wăl kriê pioh hƀuê ênuk ala čar Wăl krŭ kdơ̆ng Čư̆ Jŭ- Dliê Ya ƀri gưl bi hdơr 45 thŭn hruê mkŏ mjing kdriêk.
Leh 45 thŭn mkŏ mjing leh anăn đĭ kyar, kdriêk Krông Pa, čar Gia Lai mâo lu klei tŭ dưn hlăm klei mđĭ kyar bruă duh mkra ala ƀuôn. Ti krĭng dleh dlan čar Gia Lai ƀiădah thŭn 2023, Krông Pa mâo prăk hrui wĭt kah knar grăp čô mnuih 44 êklăk prăk, klei hdĭp ƀrư̆ đĭ kyar, klei êđăp ênang dưi krơ̆ng kjăp.
Gưl anei, mă klei dưi mơ̆ng Phŭn bruă dhar kreh- mjuăt ktang asei mlei leh anăn hiu čhưn ênguê, Khua Knơ̆ng bruă sang čư̆ êa čar Gia Lai, mđup brei hră bi mklă wăl kriê pioh hƀuê ênuk ala čar hŏng Wăl krŭ kdơ̆ng Čư̆ Jŭ - Dliê Ya kơ kdriêk Krông Pa. Dưi thâo, hlăm 2 klei bi blah hŏng Prăng - Mi, Čư̆ Jŭ Dliê Ya jing wăl krŭ kdơ̆ng dua čar Gia Lai leh anăn Dak Lak, čih pioh lu klei mblah dưi kdrưh kơăm mơ̆ng bruă Đảng leh anăn yang ƀuôn./.
Viết bình luận