Msĕ hŏng Sang mđung asăp blŭ Việt Nam hưn, Hdră hlăp mbul mâo hnơ̆ng tŭ jăk Đà Lạt mâo Anôk bruă sang čư̆ êa čar Lâm Đồng mkăp hră bi mklă duh bi liê hlăm thŭn 2012, ti mrô 28 êlan Quang Trung, ƀuôn hgŭm 9, ƀuôn prŏng Đà Lạt. Khă snăn, truh knhal jih thŭn 2023, hdră anei dưi ngă leh ƀiădah mŭt ngă bruă jing anôk đih đăm, mdei săn 4 mtŭ, mâo truh 50 adŭ dôk.

Leh hmư̆ klei hưn lač, Anôk bruă sang čư̆ êa čar Lâm Đồng gĭt gai dŭm knơ̆ng, dhar bruă djŏ tuôm lehanăn Anôk bruă sang čư̆ êa ƀuôn prŏng Đà Lạt nao ksiêm dlăng hdră ngă bruă čiăng đru kčĕ hdră msir mghaih. Hluê Nguyễn Thị Bích Ngọc, K’iăng khua Knơ̆ng bruă Dhar kreh, mjuăt ktang asei mlei lehanăn hiu čhưn ênguê čar Lâm Đồng, truh kơ ară anei, knơ̆ng bruă brei leh Anôk bruă sang čư̆ êa ƀuôn prŏng Đà Lạt gĭt gai anôk bruă djŏ tuôm suă wĭt hră dưi ngă bruă hŏng anôk bruă anei./.