Phŭn pŏk hdră bruă mlam Đà Lạt ti sang ga đưm hĭn ti Việt Nam
Thứ hai, 10:50, 15/04/2024
VOV Tây Nguyên
VOV Tây Nguyên
VOV4.Êđê- Mmăt mbruê 14/4, ti sang Ga Đà Lạt, Knơ̆ng bruă êlan êdeh treng Việt Nam mkŏ mjing bruă mphŭn pŏk gưl êdeh treng êran mlam Đà Lạt - Trại Mát hŏng anăn pia hdră bruă mlam Đà Lạt.
Êlan êdeh treng Đà Lạt - Trại Mát mâo boh taih 6,7km, jing sa kdrêč adôk mơ̆ng êlan êdeh treng Tháp Chàm - Đà Lạt, mâo boh taih truh 84 km, mkŏ Ninh Thuận hŏng Lâm Đồng, ba yua mơ̆ng thŭn 1932, mơ̆ng phung Prăng rŭ mjing. Anei jing êlan êdeh treng mâo êgei ti Việt Nam đru kơ phung tuê čuă dlăng ƀuôn prŏng Đà Lạt. Êlan êdeh treng êran mlam Đà Lạt - Trại Mát hŏng anăn pia hdră bruă mlam Đà Lạt êran êmưt, mmông wĭt nao jing 1 mmông, mâo knơ̆ng bruă êlan êdeh treng Việt Nam ba yua mơ̆ng 6 mmông 15 mnĭt mmăt truh kơ 9 mmông 20 mnĭt mmăt grăp hruê. Đĭ hlăm êdeh treng anei, êngao kơ dưi ktuê dlăng wăl siam hlăm mmăt ti Đà Lạt, phung tuê lŏ dưi hmư̆ dŭm klei mmuñ mlam hluê si klei pô ruah.
Viết bình luận