Anei jing bruă mđing kơ mlan ngă bruă kyua phung hđeh thŭn 2023 hŏng akŏ “Hrăm mbĭt bi hrŏ klei amâo jăk kơ hđeh”. Hlăm wưng êgao, Đảng, Knŭk kna Việt Nam leh anăn jih bruă kđi čar ngă bruă ktang čiăng răng mgang jăk kơ hđeh hlăm Internet.

Bruă hdră bhiăn kơ răng mgang hđeh hlăm internet mâo Việt Nam mđing dlăng mkŏ mjing, mjing tur knơ̆ng hdră bhiăn yuôm bhăn msĕ si: Hdră bhiăn phung hđeh, Hdră bhiăn êđăp ênang hlăm êlan internet, Hdră bhiăn hmư̆ klei hâo hưn. Knŭk kna, khua knŭk kna mâo leh dŭm hră mơar yuôm bhăn kñăm răng mgang phung hđeh hlăm internet.  Hlăm anăn, Khua knŭk kna bi mklă Hdră ngă bruă ala čar kyua phung hđeh wưng 2021-2030, leh anăn Hdră “răng mgang leh anăn đru kơ phung hđeh jăk mơak, mbruă hlăm internet wưng 2021-2025.”