Anôk bruă kƀĭn ala bi mklă Hdră mtrŭn mkra mlih, thiăm mbŏ dŭm mta hlăm Hdră bhiăn phŭn thŭn 2013
Thứ ba, 07:00, 17/06/2025
VOV TAYNGUYEN
VOV TAYNGUYEN
VOV4.Êđê- Aguah 16/6, lŏ dơ̆ng hdră bi kƀĭn tal 9, Anôk bruă kƀĭn ala gưl XV bi mklă leh Hdră mtrŭn mkra mlih, thiăm mbŏ dŭm mta hlăm Hdră bhiăn phŭn thŭn 2013.
Hluê Hdră mtrŭn, dŭm anôk bruă knŭk kna mrâo dưi mkŏ mjing dua gưl: čar, ƀuôn prŏng hlăm Gưl dlông lehanăn dŭm anôk bruă ti gŭ čar mâo bi mklă. Mơ̆ng hruê 1/7, mjưh ruê̆ hdră ngă bruă gưl kdriêk hlăm kluôm ala čar. Êngao anăn, Công đoàn Việt Nam, Êpul hgŭm ƀĭng ngă lŏ hma Việt Nam, êpul êdam êra, Êpul hgŭm phung mniê, Êpul kahan hđăp jing dŭm êpul kđi čar – ala ƀuôn hlăm Anôk bruă Mặt trận čar kwar Việt Nam.
Hdră mkra mlih mâo Gưl dlông, Phŭn bruă kđi čar, Anôk dlăng bruă Đảng lehanăn Khua gĭt gai Tô Lâm ksiêm dlăng, jing hdră bi mjĕ mjuk bruă kđi čar, bi êdah ai tiê duh myơr, ngă phŭn mil pô, mđĭ lar klei thâo, đua klam, klei khăp kơ ala čar mơ̆ng jih jang mnuih ƀuôn sang./.
Viết bình luận