Akŏ yan hjan thŭn anei, ti čar Dak Nông mâo leh dŭm gưl adiê hjan sui ngă êa lip, klưh hroh lăn ti dŭm krĭng tlung. Pral gang mkhư̆ klei yan adiê ngă, Knơ̆ng bruă sang čư̆ êa čar Dak Nông gĭt gai dŭm knơ̆ng, dhar bruă, alŭ wăl ktuê dlăng, mbŏ hdră msir boh klei mâo, boh nik ti dŭm anôk êdu awăt huĭ mâo êa lip, klưh hroh lăn….

Dŭm alŭ wăl bi hrŏ klei bi kƀĭn hŏng bruă pŏk ngă hdră kƀĭn online truh gưl să, mđĭ ktang hâo hưn pral gang mkhư̆ yan adiê ngă hŏng mnuih ƀuôn sang đăm ngă ngơi mang ôh hlăm yan hjan. Khua kiă kriê dŭm knơ̆ng mgơ̆ng êa, anôk bruă lŏ hma leh anăn dŭm alŭ wăl brei ktuê dlăng ksiêm dlăng bi nik čiăng mkra mđĭ leh anăn pral mâo hdră 4 tiñăn mtam, đăm brei mâo klei amâo jăk.