Krĭng siă knông plah wah Gia Lai hŏng dŭm čar mâo boh taih dlông 418 km, êlan klông dleh găn êrô. Leh 8 thŭn bi mklă hdră bi hgŭm, dŭm êpuldjŏ tuôm mkŏ mjing leh êbeh 1.800 gưl nao ksiêm dlăng, hmao ƀuh 565 klei ngă soh hŏng hdră bhiăn dliê kmrơ̆ng. Ênhă dliê rai êbeh 45.000 m2, hrui êbeh 600 m3 kyâo lehanăn đŭ bi kmhal êbeh 2 êklai prăk.

Krĭng siă knông plah wah 3 kdriêk Krông Pa, Sông Hinh lehanăn Krông Năng jing “Anôk maoa lu” klei bi rai dliê, boh nik ti krĭng Wăl dliê knŭk kna mkuôm Ea Sô. Ti anôk bi kƀĭn, phung bi ala lač, mta phŭn ngă truh klei anei jing kyua klei bhiăn, hdră mtrŭn lehanăn klei bikmhal ka kjăp ktang lehanăn klei êdu kƀah mơ̆ng pô dliê. Hdră răng mgang dliê dôk lu klei lông dlăng, brei dŭm alŭ wăl lŏ hluê ngă kjăp dŭm hdră mtrŭn mơ̆ng Đảng, Knŭk kna, bi hgŭm kjăp hĭn kñăm hluê ngă mđrăm mbĭt dŭm hdră msir./.