Leh ksiêm dlăng, hlăm ɃP. Ƀuôn Ama Thuôt ară anei mâo 35 sang dôk mơ̆ng knŭk kna lehanăn anôk mă bruă hđăp… dưi ba yua jing anôk jưh dôk mơ̆ng 363 čô knuă druh. Hlăm ênoh anăn, mâo sang jưh bruă Đảng čar, sang kơ hđeh hriăm ti sang hră gưl prŏng Tây Nguyên, sang hră gưl krah kơ nai mtô lehanăn gưl krah Daklak. Ƀiădah, hŏng ênoh truh 1.000 čô knuă druh, snăn čar ăt dôk kƀah anôk dôk kơ hlăm brô 637 čô mnuih.

Knơ̆ng bruă sang čư̆ êa čar Daklak lŏ ba yua sang hră gưl krah Dak Lak (mrô 30 êlan Y Ngông) anôk bruă kahan čar ti mrô 08 Mai Hắc Đế, dưi dôk truh 379 čô mnuih, snăn ăt dôk kƀah truh 258 anôk dôk. Ênoh jih jang klei bi liê kơ bruă lŏ mkra wĭt kơ 37 anôk dôk anei jing êbeh 85 êklai prăk, mă mơ̆ng ngăn prăk čar, lehanăn gưl dlông, mguôp mbĭt hŏng bruă yang ƀuôn bi đru./.