Êpul khua bruă Đảng ksiêm dlăng kơ Đinh Tiến Dũng, khua hlăm phŭn bruă kđi čar, Khua êpul bi ala Bruă Kƀĭn Ala gưl 15 ƀuôn prŏng Hà Nội mdei dŭm bruă klam gĭt gai, hlŏng mdei bruă. Hluê si klei hưn mơ̆ng Dhar bruă ksiêm dlăng gưl dlông, hlăm wưng ngă Khua êpul bruă Đảng, Khua phŭn bruă ngăn prăk wưng thŭn 2016 – 2021, Đinh Tiến Dũng ngă soh hŏng hdră bhiăn kơ dŭm mta klei đảng viên amâodưi ngă, hdră bhiăn kơ bruă klam bi hmô, Hdră bhiăn mă bruă, kƀah klei đua klam hlăm klei gĭt gai, ktrâo lač Êpul khua bruă Đảng, Phŭn bruă ngăn prăk leh anăn đa đa êpul bruă, grăp čô mâo lu klei ngă soh, klei êdu kƀah, ngă truh klei hmăi kjham, bi luč klei đăo knang mơ̆ng êpul bruă Đảng, anôk bruă kriê dlăng knŭk kna. Ƀuh klă bruă klam ti anăp Đảng leh anăn mnuih ƀuôn sang, Đinh Tiến Dũng ngă hră akâo mdei bruă. Hluê si dŭm hdră bhiăn ară anei mơ̆ng Đảng, knŭk kna leh anăn ksiêm dlăng klei čiăng mơ̆ng Đinh Tiến Dũng, Êpul khua bruă Đảng gưl dlông tŭ ư brei Đinh Tiến Dũng mdei dŭm bruă păn: Khua hlăm phŭn bruă kđĭ čar, Khua hlăm bruă Đảng gưl dlông gưl 13.

Êpul khua bruă Đảng gưl dlông brei klei blŭ mguôp kơ mnuih mă bruă čiăng kơ Phŭn bruă kđi čar bi klă hưn mdah Bruă kƀĭn ala gưl 15 ruah khua hlăm dhar bruă gĭr gai bruă kƀĭn ala gưl 15, wưng thŭn 2021 – 2026.