Ti anôk bi tuôm, Khua bruă kƀĭn ala, mñă dŭm ala čar Ngŏ Dhŭng Asi lehanăn ASEAN jing yuôm bhăn tal êlâo amâo mâo dưi bi ktlah ôh hlăm klei Việt Nam bi mguôp hŏng hala tač êngao.

Khua bruă kƀĭn ala mñă: "Việt Nam čiăng lŏ mđĭ hĭn lehanăn pŏk mlar klei bi mguôp tui si klei bhiăn dua nah lehanăn lu tĭng hŏng dŭm ala čar hgŭm hlăm ASEAN, boh nik hlăm dŭm bruă mâo klei găl êdi, kyua klei tŭ dưn lehanăn mdrŏng sah kơ grăp ala čar, lehanăn mđing kơ klei mđĭ kyar mbĭt hlăm tar rŏng lăn. Kâo đăo knang hlăm klei bi kjăp klei bi đăo knang, hgŭm mbĭt plah wah Việt Nam hŏng dŭm ala čar hlăm ASEAN jing yuôm bhăn kơ klei mđĭ kyar kluôm mdrŏng sah lehanăn kjăp hlăm êpul hgŭm ASEAN".