Aguah mbruê 21/11, tŭ klei jak iêo mơ̆ng Khua knŭk kna Malysia, Khua gĭt gai Đảng Tô Lâm mbĭt hŏng êpul gưl dlông ala čar drei truh leh ti ƀuôn prŏng phŭn Kuala Lumbur, kčưm gưl nao čhưn ti Malaysia. Leh knăm tŭ drông dưi mkŏ mjing ti sang bruă Khua knŭk kna Malaysia ti ƀuôn prŏng phŭn Kuala Lumpua, khua gĭt gai Đảng Tô Lâm blŭ hrăm hŏng Khua knŭk kna Malaysia.

Hlăm klei blŭ hrăm, dua čô khua gĭt gai bi hưn kơ boh sĭt grăp lăn čar, bi trông êlam kơ dŭm hdră êlan mđĭ hĭn klei mjĕ giăm plah wah dua ala čar hlăm djăp mbruă ƀrư̆ hruê ƀrư̆ đĭ kyar ktang, kluôm dhuôm leh anăn tŭ dưn hĭn hlăm wưng kơ anăp. Việt Nam hmăng hmưi mbĭt hŏng Malaysia ba klei mjĕ giăm plah wah dua ala čar mŭt hlăm wưng mrâo ti hnơ̆ng dlông hĭn, klă klơ̆ng hĭn, bi djăp ênŭm dŭm klei čiăng mđĭ kyar mơ̆ng dua lăn čar hlăm wưng mrâo, hur har leh anăn mâo bruă đua klam mbĭt hŏng Malaysia leh anăn dŭm ala čar ASEAN mkŏ mjing êpul êya ASEAN bi mguôp, kjăp ktang.