Nao hlăm adŭ anei mâo 64 čô mbruă lehanăn mnuih Êđê ti să Êa Tu, ƀuôn prŏng Ƀuôn Ama Thuôt. Phung hriăm dưi mprăp klei thâo bi mklă, mblang, ruah čiăng hưn mthâo dŭm knhuah gru dhar kreh čing čhar, ênhiang mmuñ, kdrăp tông ayŭ djuê ana, ba yua kdrăp photovoice – êpul êya čŏng pô yăl dliê dhar kreh djuê ana pô…

Mbĭt hŏng klei hriăm ti adŭ, phung hriăm dưi dlăng, tui ksiêm boh sĭt ti dŭm ƀuôn sang. Mơ̆ng anăn, đru kơ phung hriăm dưi mđĭ lar boh tŭ yuôm dhar kreh djuê ana đưm ti êpul êya pô mtam, dưi mjing dŭm mta mnơ̆ng, mă rup, mdar video hŏng hnơ̆ng tŭ jăk, maoa ta kñăm klă klơ̆ng. Mnĭt anăn, thâo săng kơ boh yuôm, bruă klam mơ̆ng knhuah gru hlăm klei hdĭp êpul êya, pral ba yua hdră photovoice čiăng hưn mthâo, mblang kơ dŭm boh tŭ yuôm dhar kreh djuê ana mguôp hŏng hdră mđĭ kyar bruă hiu čhưn ênguê./.