Hlăm klei bi kƀĭn gưl dlông G20, Êpul bi ala gưl dlông Việt Nam nao leh hlăm  jih jang bruă ngă klă sĭt hlăm Klei bi kƀĭn. Khua knŭk kna mâo leh dua klei blŭ hrăm yuôm bhăn hlăm dŭm klei bi trông kơ “klei bi kdơ̆ng hŏng ƀun ƀin ư̆ êpa” leh anăn “mđĭ kyar hơĭt kjăp leh anăn bi mlih êa pui êwa čuh” hŏng 35 klei bi tuôm dua nahh hŏng lu phung khua gĭt gai dŭm ala čar, êpul bruă lu ala čar nao hlăm Klei bi kƀĭn.

Dŭm bruă  Khua knŭk kna ngă leh lu, jih ai tiê, tŭ dưn bi êdah rup Việt Nam pral kdal, pŏk mlar, “jing găp, jing ƀĭng hgŭm đăo knang leh anăn ala čar mâo bruă klam hlăm êpul êya dlông rŏng lăn”. Hlăm gưl nao čhưn ti ala čar Dominicana, Khua knŭk kna Phạm Minh Chính mâo leh klei bi trông yuôm bhăn, tŭ dưn hŏng Khua mil čhil Luis Abinader Corona, mơ̆ng anăn dua tĭng bi mklă Klei hưn mdah mbĭt klei gĭr mơ̆ng dua knŭk kna leh anăn hưn mthâo kơ hdră êlan, hdră msir mâo dua tĭng tŭ ư kñăm mđĭ hĭn klei bi hgŭm  jăk siam plah wah Việt Nam -Dominicana hlăm êdei anăp.