Hŏng akŏ “Lông dlăng klei dhar kreh - hiu čhưn hlăm anôk jăk siam”, klei dhar kreh anei mâo lu klei jăk snăk. Êdah êdi jing Knăm mơak hlăm êlan ƀuôn prŏng hŏng êbeh 1000 čô, phung mbruă, hđeh sang hră hgŭm;

Klei bi lông tông čing, kdŏ čhuang hŏng akŏ “Ênai kwang čing čhar liă lia” hŏng êbeh 600 čô hgŭm. Gưl anei ăt mkŏ mjing klei mtrŭt mjhar, hưn mdah hiu čhưn ênguê, hiu čhưn tuôr, anôk hiu čhưn ênguê ti čar; bi lông tŭk knă kơ tue hiu čhưn Kon Tum hŏng akŏ “Mnơ̆ng jăk yâo krĭng čư̆ čhiăng”; hưn mdah hră čuăl mkă mkŏ mjing wăl hiu čhưn ênguê Măng Đen truh thŭn 2045; ksiêm dlăng boh tŭ bi hgŭm mđĭ kyar hiu čhưn ênguê hŏng 3 čar nah Dhŭng Lao mâo: Attapư, Sêkông leh anăn Salavan.