Khua gĭt gai Đảng Tô Lâm mă bruă hŏng 3 boh čar Yŭ Dhŭng kơ bruă mđĭ kyar krĭng
Thứ tư, 10:41, 04/06/2025
Pô mblang: Y-Khem Niê
Pô mblang: Y-Khem Niê
VOV4.Êđê - Hrue mbrue 3/6, Khua gĭt gai Đảng Tô Lâm kiă kriê leh klei mă bruă hŏng Êpul khua kiă kriê bruă Đảng čar Bến Tre, Trà Vinh lehanăn Vĩnh Long kñăm hlue ngă dŭm hdră mtrŭn, klei klah čŭn mơ̆ng gưl dlông.
Khua gĭt gai Đảng Tổng bi mni kơ 3 boh čar mâo leh boh tŭ dưn jăk kơ bruă duh mkra ala ƀuôn, boh nik klei đĭ kyar hlăm thŭn 2024 lehanăn akŏ thŭn 2025.
Khua gĭt gai Đảng mñă, klei bi mŭt 3 boh čar mbĭt jing klei găl bi mguôp hlăm klei mđĭ kyar duh mkra, kñăm iêo jak lu hĭn klei duh bi liê, mđĭ kyar mtah lehanăn bi mlih mrô. Ñu mtă 3 boh čar bi mđing ksiêm dlăng, hlue ngă bi kjăp dŭm ênoh čuăn mơ̆ng klei bi kƀĭn prŏng Đảng wưng păn bruă 2020-2025, čiăng lŏ mâo hdră jăk hĭn hŏng dŭm ênoh čuăn dleh dôk ngă, lehanăn tă hdră êlan kơ klei mđĭ kyar leh bi mŭt mbĭt, anap truh kơ klei mkŏ mjing krĭng đĭ kyar prŏng, mâo ai bi ktưn gưl ala čar, mđĭ kyar mtah, thâo mĭn, lu anôk phŭn lehanăn dưi ñŭ kma hŏng ala tač êngao./.
Viết bình luận