Kkuh drông Êpul mă bruă mơ̆ng IMF hriê čhưn leh anăn mă bruă ti Việt Nam, Khua knŭk kna Phạm Minh Chính đăo knang mơ̆ng mmông mă bruă hŏng dŭm anôk bruă, êpul bruă djŏ tuôm mơ̆ng Việt Nam, Êpul thâo leh kơ boh klei duh mkra- ala ƀuôn mơ̆ng Việt Nam thŭn 2023 leh anăn dŭm mlan akŏ thŭn 2024.

Khua Êpul bruă IV mơ̆ng IMF mtă kơ Việt Nam brei lŏ dơ̆ng bi leh klei bhiăn; msir mgaih klei gun kpăk bi liê, boh nik hlăm bruă mđĭ kyar anôk bruă nah gŭ…

Khua knŭk kna Phạm Minh Chính akâo kơ IMF lŏ dơ̆ng kah mbha, hâo hưn klei ksiêm dlăng, đăo knăl kơ klei čang hmăng bruă duh mkra dlông rŏng lăn, hmăi kơ bruă duh mkra krĭng wăl leh anăn kčĕ dŭm hdră êlan gĭt gai kluôm kơ Việt Nam; mđĭ klei bi hgŭm, đru hdră mnêč leh anăn mtô bi hriăm msĕ si bruă kriê dlăng bruă duh mkra, ngăn prăk, hdră êlan ngăn prăk, pŏk mlar bi hgŭm, mtô mnuih mă bruă kơ Việt Nam kñăm mđĭ klei dưi ñĕ kma lu ala čar./.