Khua knŭk kna Phạm Minh Chính drông lehanăn bi trông hŏng Khua knŭk kna Ethiopia
Thứ tư, 10:30, 16/04/2025
Pô mblang H'Nêč Êñuôl / VOV Tây Nguyên
Pô mblang H'Nêč Êñuôl / VOV Tây Nguyên
VOV4.Êđê- Tŭ ư asăp jak iêu mơ̆ng Khua knŭk kna ala čar Việt Nam Phạm Minh Chính, Khua knŭk kna Ethiopia Abiy Ahmed Ali hriê čhưn leh ti Việt Nam lehanăn nao ti Klei bi kƀĭn gưl dlông Bi hgŭm kyua klei đĭ kyar mtah lehanăn Mta kñăm tar rŏng lăn (P4G) tal 4 mơ̆ng hruê 14 truh kơ hruê 17/4.
Tlam hruê 15/4, ti Adŭ bruă Khua lăn čar, Khua knŭk kna Phạm Minh Chính gĭt gai leh Knăm drông klă klơ̆ng Khua knŭk kna Abiy Ahmed Ali. Leh knăm drông, dua nah hluê ngă leh hdră bi trông.
Hlăm dŭm thŭn giăm anei, ênoh prăk bi mnia mblei dua nah Việt Nam - Ethiopia mâo êbeh 10 êklăk USD/thŭn. Thŭn 2024 leh êgao, ênoh prăk bi mnia mblei dua nah mâo êbeh 13 êklăk USD, hlăm anăn hdră ba čhĭ mnơ̆ng mơ̆ng Việt Nam mâo êbeh 7 êklăk USD lehanăn blei mnơ̆ng êbeh 6 êklăk USD.
Việt Nam lehanăn Ethiopia kreh bi đru, sai ai hŏng hdơ̆ng găp ti dŭm klei bi kƀĭn trông lu tĭng. Ethiopia klă klơ̆ng tŭ yap Việt Nam jing wăl anôk duh mkra hlăm thŭn 2014./.
Viết bình luận