Bi ala kơ Khua gĭt gai Đảng, knŭk kna, Khua knŭk kna Phạm Minh Chính mâo klei hơêč hmưi kơ phung khua kiă kriê klei đăo Yơng Việt Nam, tăng ni, phung đăo yơng hlăm leh anăn êngao lăn čar mbĭt hŏng jih jang phung bi ala klei hơêč hmưi jăk siam hĭn, hơêč hmưi kơ Phật đản Phật lịch 2568 - Dương lịch 2024 mơ̆ng knơ̆ng klei đăo Yơng Việt Nam dưi tŭ jing jăk siam.

Khua knŭk kna hmăng hmưi leh anăn đăo knang, Knơ̆ng klei đăo Yơng Việt Nam srăng lŏ bi lar dŭm boh tŭ dưn dưi mâo leh hlăm wưng êgao hlăm bruă klei đăo Yơng, bruă hluê ngă msĕ hŏng hdră tă “Hdră bhiăn – bruă klam – bi mguôp – đĭ kyar” mâo klei kƀĭn kluôm phung ala klei đăo Yơng kluôm ala tal 9 ba mdah leh, mtô kơ phung tăng ni, phung đăo Yơng Việt Nam lŏ dơ̆ng hluê ngă hluê ngă hdră “Hdră bhiăn klei đăo – djuê ana – Yang ƀuôn ngă phŭn” đru mguôp lu hĭn kơ bruă mkŏ mjing leh anăn ăng mgang ala čar.