Ti knăm anei, Khua lăn čar Lương Cường mñă Việt Nam dlăng myuôm lehanăn čang hmăng bi êlam hĭn klei bi mjĕ hgŭm bruă hŏng Kenya.

Hluê hŏng klei đăo knang bruă kđi čar plah wah Việt Nam lehanăn Kenya, Khua lăn čar Lương Cường mtă kơ dua tĭng gĭr hluê ngă bi sĭt lehanăn ba yua jih klei găl mâo hlăm dŭm mta bruă dôk mâo klei găl, boh nik hdră duh bi liê, mnia mblei, bruă lŏ hma lehanăn hiu čhưn ênguê. Kơ hdră bi hgŭm bruă lĭng kahan, Khua lăn čar mtă kơ Phŭn bruă lĭng kahan dua ala čar ksiêm dlăng, mtrŭt mđĭ hdră bi hgŭm hlăm bruă tuh tia mkra mjing kdrăp lĭng kahan, dŭm bruă nah tluôn, bruă mdrao mgŭn kahan, kah mbha klei thâo hlăm bruă nao hgŭm hlăm hdră rơ̆ng kjăp klei êđăp ênang mơ̆ng Êpul hgŭm lu ala čar./.