Blŭ hrăm hlăm knăm, bi ala khua gĭt gai Đảng, knŭk kna, Khua lăn čar Tô Lâm mơĭt kơ dŭm gưl phung čih klei mrâo, phung ngă bruă klei mrâo hlăm leh anăn êngao lăn čar dŭm klei khăp jăk siam, klei êmuh hrăm, klei hơêč hmưi jăk siam hĭn leh anăn bi mni kơ 122 pô čih, êpul čih mkra dưi mâo mă klei pah mni Bruă klei mrâo ala čar gưl tal 18 –Klei pah mni yuôm bhăn hĭn mơ̆ng Êpul hgŭm phung čih klei mrâo mđup brei kơ dŭm klei čih, bi mni kơ phung čih, êpul čih mkra klei mrâo mâo klei čih kdlưn hĭn thŭn 2023.

Khua lăn čar mñă brei mkŏ mjing êpul phung čih klei mrâo klă sĭt jing lĭng kahan hlăm bruă dhar kreh, klei mĭm, mâo ai tiê kpă ênuah, čih djŏ, thơ̆ng kơ bruă. Khua lăn čar ăt mñă kơ bruă klei mrâo mtrŭt mđĭ ktang klei mlih mrô leh anăn mlih mrâo hŏng klei mbruă, klei hưn bruă klei mrâo cách mạng klă sĭt jing klei hâo hưn phŭn hlăm wăl mrô. Nao hgŭm hlăm klei bi lông bruă klei mrâo ala čar gưl anei, Êpul hgŭm phung čih klei mrâo Sang mđung asăp blŭ Việt Nam mâo mă 2 klei pah mni A leh anăn 1 klei pah mni C.