Hlue si klei hưn mdah mơ̆ng Phŭn bruă sang hră mtô bi hriăm, Klei bi lông hriăm jih gưl 3 thŭn 2024 dưi mkŏ mjing rơ̆ng hơĭt kjăp msĕ si wưng 2020-2023.
Bruă dlăng klei bi lông srăng dưi mkŏ mjing hlăm dŭm hruê 26, 27 leh anăn 28/6, bruă brei puăng dưi hlue ngă hlue si hdră kčah mbĭt mơ̆ng hruê 29/6 truh hruê 14/7, hưn mdah boh tŭ bi lông hlăm 8 mmông hruê 17/7 ti Phŭn bruă sang hră mtô bi hriăm leh anăn 63 čar, ƀuôn prŏng. Ênoh phung hđeh čih anăn bi lông êbeh 1 êklăk 71 êbâo čô, đĭ 45 êbâo čô mkă hŏng thŭn dih. Mâo hlăm brô 200 êbâo čô knuă druh, nai mtô bruă sang hră, êpul kahan ksiêm, mdrao mgŭn, pui kmlă… dưi ba nao hlăm bruă mkŏ mjing klei bi lông. K’iăng Khua knŭk kna Lê Thành Long mtă kơ Phŭn bruă sang hră mtô bi hriăm leh anăn dŭm Phŭn, dhar bruă brei bi hgŭm kjăp čiăng mbĭt hŏng alŭ wăl mdrơ̆ng hŏng klei mjêč mâo, mbĭt anăn mjing klei găl hĭn kơ phung hđeh bi lông.
Viết bình luận