Hlăm hdră mă bruă, phung bi ala mđing bi trông, brei klei blŭ kơ hră mơar mkra mlih, thiăm mbŏ Hdră bhiăn bruă mặt trận Việt Nam, hdră bhiăn Công đoàn, hdră bhiăn êdam êra, Hdră bhiăn hluê ngă klei ngă phŭn mil pô ti gưl nah gŭ. Mbĭt anăn, Êpul ăt ksiêm dlăng klei čih mkra hră mơar hưn mdah klei blŭ, klei akâo čiăng mơ̆ng mnuih ƀuôn sang ba mơĭt kơ Klei bi kƀĭn tal 9, Anôk bruă kƀĭn ala gưl XV.

Ti anôk bi kƀĭn, bi ala Knŭk kna hưn mthâo leh dŭm mta djŏ tuôm kơ hdră bi mŭt anôk bruă knŭk kna gưl čar, lui gưl kdriêk lehanăn mkŏ dăp anôk bruă gưl să. Blŭ ti knăm anei, Khua Dhar bruă mặt trận čar kwar Việt Nam gưl dlông Đỗ Văn Chiến mtă kơ phung bi ala mđĭ lar klei ngă phŭn mil pô, đru mguôp klei blŭ mâo klei đua klam čiăng bi leh dŭm mta hră mơar mâo klei dưi ksiêm bi mklă. Ti anôk bi kƀĭn, Kơiăng khua knŭk kna Nguyễn Chí Dũng ăt hưn mthâo kơ hdră duh mkra – ala ƀuôn mơ̆ng lăn čar, bruă mkŏ dăp dŭm anôk bruă knŭk kna gưl čar, lui gưl kdriêk lehanăn lŏ mkŏ dăp anôk bruă knŭk kna gưl să.