Klei bi kƀĭn mkŏ mjing hŏng hdră sa anôk, bi mguôp hŏng online truh hŏng dŭm anôk mkŏ mơ̆ng gưl dlông truh gưl kdriêk, gưl să.

Klei bi kƀĭn kñăm ksiêm dlăng dŭm boh phŭn, klei mrâo mơ̆ng hră mơar klei bi kƀĭn Đảng gưl dlông mrâo mkŏ mjing mơ̆ng hruê 10/4 truh hruê 12/4. Phung bi ala mđing hmư̆ 3 akŏ. Tal sa kơ dŭm hră čih Hră mơar hưn hŏng Klei bi kƀĭn tal 14 mơ̆ng Đảng. Akŏ tal 2 kơ klei mlih mrâo Hdră bhiăn phŭn leh anăn hdră bhiăn; Hdră êlan mđing ruah khua Phung bi ala bruă kƀĭn ala gưl 16 leh anăn phung bi ala kơ Êpul gơ̆ng bruă ƀuôn sang dŭm gưl wưng 2026 - 2031.

Akŏ tal 3 kơ klei lŏ dơ̆ng mkŏ mjing êpul bruă khuăt, jih hnơ̆ng, dưn yua, tŭ dưn; mkra mlih mbŏ dŭm hdră kčah mơ̆ng Đảng djŏ tuôm kơ bruă bi khuăt êpul mă bruă.