Lĭng kahan răng mgang knông lăn Việt Nam – China hgŭm kngan mkŏ mkra krĭng knông lăn êđăp ênang
Thứ bảy, 08:47, 20/04/2024
VOV Tây Nguyên
VOV Tây Nguyên
VOV4.Êđê - Ti ƀuôn prŏng Tịnh Tây, Quảng Tây, China mkŏ mjing leh Klei bi kƀĭn trông jao bruă 3 mlan gưl 1 thŭn 2024 plah wah Êpul bi ala 12 kđông kahan răng mgang knông lăn hlăm Knơ̆ng bruă lĭng kahan răng mgang knông lăn Cao Bằng lehanăn Knơ̆ng bruă lĭng kahan răng mgang knông lăn Hà Giang (Việt Nam) hŏng Êpul bi ala Anôk kriê dlăng knông lăn Bách Sắc, Quảng Tây (China).
Ti knăm anei, dua tĭng tŭ ư tĭng dlăng, hlăm 3 mlan gưl 1 thŭn 2024, dua tĭng ngă jăk hdră bi hgŭm kriê dlăng, răng mgang knông lăn hluê si 3 hră m’ar djŏ hdră bhiăn kơ bruă knông lăn ti lăn hang Việt Nam – China, bi hgŭm tŭ dưn hlăm hdră bi kdơ̆ng hŏng phung ngă soh.
Čiăng ngă jăk hĭn hdră bi hgŭm hlăm 3 mlan gưl 2 thŭn 2024, dua tĭng tŭ ư hlăm wưng ti anăp lŏ dơ̆ng hluê ngă kjăp klei kčah mtrŭn mơ̆ng 3 hră m’ar djŏ hdră bhiăn kơ bruă knông lăn ti lăn hang Việt Nam – China./.
Viết bình luận